Paroles
La montanha
paroles de La Sauze
Un per un quitan lo pais
Per se’n anar cap à Paris
En quista d’endemans novèls
La vila granda, i a bèl temps
Que lor risίa a bèlas dents
Lor disίa de daissar los vièlhs
Los vièlhs…
Vivián benlèu ambe pas res
Mas sabián beure, manjar e
De jòias n’èran pas rascanhas
E quand l’automne veniá ja
Qu’aimavan totes festejar
Lo vin novèl e las castanhas
Pasmens
Qu’es bèla la montanha
Cossί creire un sol momenton
Qu’es una vida de cocanha
Que se morίs dins lo canton
Al cap del puèg per alinhar
Quatre socas de carinhan
Avián susat l’aiga e lo sang
Mas rai d’aquò lo còrs dolent
Avián totes lo còr valent
Fièr coma un veire de vin blanc
Lo vin…
Lo tirarem pas pus jamai
Se vendiá pas e mai que mai
Trop souvent èra de piqueta
Mas quand fasiam sautar un tap
Se nos rodava pas lo cap
Chucàvem lo sang del papeta
Doas cabròtas, un anhelon
Un an marrit, l’autre melhor
E pas jamai temps de polsar
Lo gojat n’aguèt son sadolh
E volguèt lèu viure tot sol
Sa vida, e sortir, e dançar
Sa vida
A capitat lo putanièr
Que va faire flic, doanièr
Una carrièra de las bonas
E dins lo rambalh costumièr
Dintrar lo ser al lapinièr
Chapar son pol claufit d’ormonas