Paroles

Amic

Te vau parlar d’una deessa

Sòmi magic              

Una bèla dormenta en rauba negra

Jos un garric           

Es totjorn moflament acoconada                                    

La cal trapar        

Segur tant  misteriosa qu’una fada

A conquistar

Trufa, trufa

Patana d’amor

Trufa, trufa

T’aimarem totjorn

Trufa d’aquί, trufa d’aquί

Trufa d’aquί, trufa d’ailà  

Trufa blanca o negra

Farem fin de te trapar

Amic

Se vòls desemboscar la trufa

Es un mestièr

Te cal una mosca plan finaudèla

Un gos trufièr

Poiràs te servir d’una vièlha truèja

D’un porcelon

Segur fosegarà ambé son ufa

Coma un colhon

Amic 

Un còp qu’as trapat la patana    

Mesfisa-te

Lèu-lèu amaga-la dins la saqueta

Despacha-te

Que per destraucar aquel Diamant Nègre

Es un trabalh

Es la Meravilha de nòstra tèrra                                        

Nòstre Graal